मंगळवार, जुलै 7, 2020
Home कोरोना व्हायरस कोरोना व्हायरस : १६ वर्षाची क्रिकेटर रिचा घोषने दिली १ लाख रुपयांची...

कोरोना व्हायरस : १६ वर्षाची क्रिकेटर रिचा घोषने दिली १ लाख रुपयांची देणगी

२०२०च्या महिलांच्या टी-२० विश्वचषकात १६ वर्षीय अष्टपैलू क्रिकेटर रिचा घोषने बंगालच्या मुख्यमंत्र्यांच्या मदत निधीसाठी १ लाख रुपयांची देणगी दिली आहे.

Published:

या महिन्याच्या सुरुवातीस महिलांच्या टी-२० विश्वचषकात भारताचे प्रतिनिधित्व करणार्‍या १६ वर्षीय अष्टपैलू रिचा घोषने बंगालच्या मुख्यमंत्र्यांच्या मदत निधीसाठी १ लाख रुपयांची देणगी दिली आहे. शनिवारी, हा धनादेश सोपवण्यासाठी रिचा हिचे वडील मानवेंद्र घोष सिलीगुडी जिल्हा दंडाधिकारी सुमंत सहाय यांच्या निवासस्थानी गेले होते, अशी माहिती क्रिकेट असोसिएशन ऑफ बंगालने दिली.

“जेव्हा प्रत्येकजण कोविड -१९शी लढत आहे आणि मुख्यमंत्र्यांनी त्याविरोधात संयुक्तपणे लढावे असे आवाहन केले आहे, तेव्हा मी देशाचा जबाबदार नागरिक म्हणून थोडासा हातभार लावण्याचा विचार केला,”असे, टी -२० विश्वचषकात अंतिम सामन्यासह दोन सामने खेळणारी रिचा म्हणाली.

टी-२० विश्वचषक होण्यापूर्वी ऑस्ट्रेलियामध्ये रिचाने तिरंगी मालिकेत पदार्पण केले होते. रिचा आणि शफाली वर्मा हे दोनच राष्ट्रीय संघातील १६ वर्षांचे खेळाडू होते. ८ मार्च रोजी ऑस्ट्रेलियाने भारताला ८५ धावांनी पराभूत केले होते. कॅबशी संलग्न युनिट्स आणि अधिकारीही पुढे आले आणि त्यांनी राज्य मंडळाच्या माध्यमातून आपले योगदान जाहीर केले. “६६ सीएबी मॅच निरीक्षकांनी १.५ लाख रुपये जमा केले आहेत, तर ८२ स्कोअररने त्यांच्या एका दिवसाचे वेतन मिळून एकूण ७७,४२० रुपये इतके जमा केले आहे,” असे सीएबीने नमूद केले.

सीएबीमधील मोहम्मदन स्पोर्टिंग क्लबचे प्रतिनिधी दिपक सिंह यांनी मदत निधीसाठी २ लाख रुपयांची देणगी दिली आहे. माजी महिला कसोटीपटू मितू मुखर्जी यांनी २५,००० रुपयांची देणगी देण्याची इच्छा व्यक्त केली आहे. बंगाल महिला २० वर्षे-अंतर्गत संघाचे प्रशिक्षक जयंत घोष दस्तीदार हे १०,००० रुपयांचे योगदान देतील. सीएबीच्या संलग्न घटकांपैकी व्हाईट बॉर्डर क्लब आणि विजय स्पोर्ट्स क्लबने प्रत्येकी ५०,००० रुपयांची देणगी जाहीर केली आहे.

याशिवाय, उत्तर पाल्ली मिलन संघ, उपनगरी क्लब आणि रेंजर्स क्लब प्रत्येकी २५,००० रुपयांचे योगदान देतील. जिल्हा क्रीडा संघटनांमध्ये (डीएसए) कूचबिहार डीएसएने १० हजार रुपये राज्य मदतनिधीला देण्यास सहमती दर्शविली आहे.